遺忘

我是忘記了這裡的嗎？沒有吧，只係一些流水帳的事，不想記在這兒，今天亦是在家，全日搞nsd，部機都快一年，咁樣就一年，真係話咁快，部機都壞壞地，那該怎樣辦？

七月過得很快，雖然百無聊賴，但我好像深信到八月就會好轉，只係相信，有著沒有根據的期待，真奇怪。

對不起，我太任性了

是我太任性了吧，彷彿都傷害了別人吧，白費人家的心血了，破壞了自己的平衡點…
對不起，請原諒我。

究竟事前可有想清楚，總沒有給別人好好的交代....去不成北京，是我的錯。

今天的是純粹的任性，也許壓根兒想這樣做吧，但真的解釋不了，只可說是沒有分析過情況吧。罪疚感越來越濃，因為完全不知道自己想點，有點亂…或許又誇大了一些，真要等冷靜下來才能把說清這雞毛蒜皮的事。

書展

啊，奇怪得很，剛打好了一篇日記，但覺得佢係xanga的style，所以轉到xanga發了。
這兒，還是留給似karlard的東西吧。

去完書展，本來好攰，但搞搞下，又精神番，點解我又要三點鐘先瞓，你話係唔係變態吖，我都真係想早d瞓，但都改唔到，可能要找一晚通番一晚頂，到第二日可以有正常的上床時間。

還差一點點

今日去左游水，瞓得個四個鐘都無就去左游今年第一次的水，好彩無死到。之後出左去沙田同好耐無見的麗雅食左個午飯仲要行左轉沙田，開心~之後再返上水，不斷的行那三個商場同試d短褲，還有見部朱古力，還是沒有那個衝動，即係唔係好鍾意咋。今天結果只買了一排黑朱古力，襯返今日個心情啦。
真係唔似尋日，話買就買，兩雙有待加工的鞋。

不過有時真係會一時衝動，過後真的會熱情退卻，要不是今日fanny一提，真心唔記得有同人地講過添~
或許，那都不算一時衝動，只是壽命比較短而矣。

---

其實，說不需要是假的，只是明白當前的情況，同接受到現狀。
我還是需要的…

真心估唔到…

哈哈，明明寫左xanga，還有甚麼可寫呢？
原來我無聊到，可以去多個blog去寫多樣差不多0既野喎，真心唔知之後會有無咁多心思玩咁多花樣。

今日，好像吃甚麼都不太順心，想要的味道都食不出來。好像是那個熱情果汁，真的令人沮喪，如果這次是第一次試熱情果的話，我一定唔係再試。還有，Mc記新出的美祿，真心hea，自己走過去買包美祿朱古力食仲開心。

原來，在xanga同blogger的心會有少許不一樣，可能知道受眾的不同，就有所顧忌，才第一次分開兩個地方來寫就有這種感覺了…
我還有一個更深沉的blog呢…

懶

啊~~越沒事幹越沒心機寫日記，可能不像從前熱鬧，事情亦變得無聊，所以沒有心機寫了。
今天9點幾起左身，為五斗米而折腰了，其實真的講到自己都真心唔好意思，雖然她好像沒有為難我，但交給我東西中，我真係有d被玩的感覺，現在為有睇下點樣可以搞番掂佢啦。或者事情不是我所想像的那樣壞吧。唉~~
講番轉頭，好彩得個郵差叔叔派掛號信叫醒左我，我都唔知會瞓到幾時。話說我一send完個e-mail就爬左上媽媽張床到瞓，一瞓就幾個鐘，好彩經佢叫醒，唔係都唔知瞓到幾時。之後的事，就係搞果d x 街野囉。
成日都響屋企，半步都無離開過，全程對住部電腦，真心講句，過多兩日咁0既日子，我就會死。也許明天我就會因為這個原因而離開大家了....嗚~

新的一天

嗯，今天搞好了部notebook了，真的多得飛飛，我係會報答你的。就是因為搞部電腦，其他的事就要推到明天了，但都沒甚大的問題，只係，真係有d唔識點做，我真想可以找個人商量一下，但只怕到最後都係自己搞掂，我會俾心機啦~

好眼瞓的我，到現在還不捨得離開電腦，那是因為我太掛念你了，真係吖，以後還有大把時間對住你，只要你唔好再壞就好了，你應該挨不到多一次的format的呢，而且我也會心痛的，又要割愛洗晒d野。
其實我可能只係想多打幾隻字才不走，還是想多留一點記錄，只係又想不出有甚麼可記。

第四十一天-----回歸日

7/7

回歸之日，十分充實，一早六點半就起身，執清楚所有野，就要離開金科大酒店了，搞左好一陣子的check-out工作，真係好唔明白佢地係點做野，攞走左張key-card就可以當無事，但明明都無打爛野就要我地賠成五十蚊，都唔知咩價值觀來的。
到離開都跟預定的時間差不多，而且今次有東東送我地車添，所有時間都過得好快，就算早左成個鐘到機場都無咩問題，事情得以順利進行，真的是幸運。
三點鐘，已經可以在羅湖出現，三點幾已經可以摟住媽媽的呢~嘻~(今次佢比較順攤，沒有推開我呢~)

回到家，沒有甚麼大的改變，只係爸爸留左鬚....嗯...感覺非常奇怪，可能只是我未看慣吧...返到屋企，響媽媽的床睡了一覺，之後吃左餐滿豐富的晚餐，嘻~還有cheese cake食~

因為怕失落，到10點再走了出去，跟莊員聚聚，咁就用左二百蚊了，這可是一個大數目呢，哇哈哈~就這樣把整個人的感觀變更夢幻，一直都回家路上，都覺得事情太不真實，合肥變成一個遙不可及的地方，但偏偏那是同日上午身處的地方。

其實在旅途中都滿有趣，只係太多太瑣碎，不記好了。還真的要唔該東東，幫我寄那名信片，我真的估不到，在機場內的郵局係可以執笠的。

p.s.其實今天已經不是7號了....
依家已經係9/7 02:39了。

第四十天---最後一天

6/7

今天，應該是在合肥最後一次打日記了，其實...因為有點趕，可能不能多說，原是等有一天，記得這個心情才記下啦....(雖然應該沒有這個可能了。)

第三十九天---寂靜的工作間

5/7

大家的心情都深重了嗎？點解可以咁靜....
可能因為之前有好件令大家好火的事，所以先有咁熱鬧，熱鬧過後就一片寂靜。大家手上的無聊工作，不如算吧啦...我已經唔想再做了，真辛苦。

今天到現時為止，都係好悶，但心中是有盤算回程的事宜，還要做甚麼呢？還有幾多$可以用呢？唉...

---

諗諗下，我個六月已經過左，完完全全的消失了，也許應該說，她在我沒有對她的意識中渡過了。只餘下兩天，將來記掛的，應該不是合肥，而是在合肥跟大伙一起生活的日子，同面對的，這亦有機會在香港延續…總覺得回到香港會是另一種景象，期待著那一點的變化…
雖然，回去後都只係打回原形…但我信在這個trip中，我是有長大的。

第三十八天---keep住無聊

4/7

好快有返屋企啦，香港....其實唔係掛住香港...只係唔想留合肥，而香港有好多我想要的…所有....

今天，還是在上網跟msn，工作，你想我做幾多喎...
今朝rain cat & dog...超可怕，特別係架公車，好多人，...怕怕，不過都係昨天搭返去的可怕一點，真係會唔明地人點生活...可能都係我太嬌生習養啦，而且來自一個富裕咁的城市。

如下的日子，只希望過得順利一點...唔落雨就好多了。同埋，我真係想買多d野食返香港，只係$$不夠呢。
還有甚麼要做的呢…
嗯...真係要諗清楚.....

第三十七天---無聊的工作中

3/7

有好耐無上來，其實昨天都成日對住部電腦，但係就沒有那個心情同精神，因為之前剛通頂做調研，最後都係要好好叻叻的fred fred搞掟呢~

今天，係fredfred, carmanman, 同小恆恆返香港的日子，佢地已經返到去了~搞到我真係好掛住香港....同掛住你地呀~~
今日第二日返工，極無聊的debug....真心慘，真係覺得好無為....

有d低落....嗚Y_Y
成個人頺到連BLOG都唔想打...真係頺到呢....唉~