一月的尾聲

哇一聲就一月三十一了﹐唔知係好早就已經接受左零五年﹐定根本唔覺得係零五年。我預計打後一年都會過得好快…好快…
成個一月我究竟做左d咩呢，要我說，我真的不知的呢…
只知今個月十分任性，咩都無理過，連自己都唔願理…很累的呢…
有許多事要做，有許多事想做…但經常看不了情況，看不到出路。
也許只限於這一刻，找不到方向，找不到根據…好想發脾四…唉~

二月了，久遠的希望，已經不知給我放到哪裡了…
可能因為好耐無睇書…好耐無諗野…所以，自私左同睇野窄左…

二月終於來了，終於都來了…
說真的，我很喜歡二月的…

下水了

在今天，下水了…
今日下午去練艇，同mable一隻double，在backing的途中，反了，就這樣下了城門河。
今天雖然沒有其他艇隊人，但有好多好多的教練....一樣的gd fish~
但，我倆還是傻傻的，最起碼，我由一落水就笑到上岸，下水個一刻覺得凍之外都無咩其他感覺，或許有，但我一時記不起了…

坦白

一向都不是太坦白，甚至對自己亦同樣。
有時可能唔係唔想坦白，係根本唔知自己係點…
或許有時顧慮太多。
事可能非常簡單，一點就明…
但都係要到果個時刻先知清楚。

是跟否只是一線之差，事情，也許真的是零與壹。

puma 褸

係喎係喎，唔記得寫番低~
我買左件puma橙色外套lu~~上次$305都已經想買，今次竟然係$227，唔買又點對得住自己?…仲要有95折，只係$215.7~
呵呵呵~~

但買d件衫衫個日都唔係咁開心，上gpa訂竟然話要放假，搞到我要去dos訂，每件貴左12蚊，好彩個日一直有人伴住ja~唔係都唔知會點…

話說回來，我真係好鬼鍾意件褸，我d兩日都成日著住，成個人都開心晒…但背後個logo成日都俾我個袋收埋左>__<
算啦~最多找天唔帶背囊是了…

Rowing

划艇，都真係想左好多年，自中一玩過唔玩之後，每次經過火炭都會找尋艇會的蹤影，在七年後如願，可以成日返艇會啦…依家仲做埋會員，開始都熟識果個地方了…
今日響poly係室內拉機賽的第一站，我有份參加喲~
poly在所有項目都得第二，下次努力啦~

今日整天都只有划艇，早就去set 場比賽，晚就去火炭練艇，
中間都有兩個鐘上堂的。
今日令我覺得，原來上堂係咁可愛的呢…

獨行

今日，係我覺得比較多時間自己一個人，當然係空檔的時間。
記得曾經談論過四處碰跟等下來等人來的分別，
今天，我覺得我是四圍行的一個，碰上同學，碰師兄，碰上中同…
好特別的感覺。

係啦，我正話行行下見到藍健泉同梁志強呀…唔知點解同佢地傾左好一陣子，可能係自己無野做，同真係好耐無見過佢啦~佢猛講ust的事喎~
真係覺得碰上熟人係一件開心的事，好似剛剛才跟yanis說沒有在poly以外碰過poly人…不過，能遇上都好開心呢~~

同埋，同學仔頂橙色帽真係好靚靚~~

???

有眼睇啦…我真係好想買果件橙色puma褸架啦，係都要打咁多次出黎…

划艇其實都真係幾好玩，但開始有要求，有模式，唔知會變成點呢？
好眼訓，但都係睇番op先…~~呵呵呵~~
今日捉左fanny陪我去maga sale買野，
都係覺得有個人陪住買野應該會開心d，但，真係唔知點喎…

重複

我其實打這篇寫了好幾次，但成日都upload唔到…但又唔想唔講…都係寫番出黎~~

我買左件白色衫衫，同一對鞋，好鬼靚架，搞到我好鬼開心~~而且又平，勁勁抵呀…
雖然今日著左返去，都無咩人有咩反應，自己開心就算啦…
之後的目標應該係褲，仲有，果件橙色puma外套，都係好鬼想買…
要是可以再買多對鞋就好lu…

今日行行下碰上fanny，好開心的一個相偶，雖然短，但我都好開心…
星期四又是練艇的日子，今日好狠，
但我都係覺得自己不行了，點可以再俾多力喎…累~~

等…等下一個循環，等下一個loop。雖然現在的，好像已經跟從前的不一樣，但，應該有他的公式同定理，都只是等他發生而矣。

買衫衫~

呵呵~今日買左對鞋同件衫…好開心，因為佢地好靚靚，而且又好平。
我聽日就將佢地著晒上身~~
之後的目標就應該係褲，同埋果件橙色puma外套…
雖然無$$，但要是可以再多買一對鞋就好了…

普通

這對我來說是在些貶意的…

自覺有點普通，開始變成一般人…一般人不是不好，但…我唔想做一般的年青人，身為大學生，其實有更多的事可以做，而且應該做，難得自由，卻自我放縱，莫視身邊的事，原來人真的有分等級…而且有好幾個世界…

今日睇左亞歷山大帝，係囉…睇左，知道佢講咩…但唔明佢想講咩囉…
今日仲有行街街…有好多野想買，但…無$$，rowing又要俾$400...灰晒…但…明天都還想去睇下…呵~

其實，我想講…我自覺變得膚淺，這是不想要的，但，還是會向著這方向發展…是否該幹點事去改變…

知道自己想點，但沒有let it be，so forget it...

睡醒了

終於訓醒啦…好耐都無試過訓咁鬼多，看來以後都唔會有咁樣的機會…算起來，由13號的13.30~14號的00.30，再由5.37~15.46斷斷續續…都訓左…廿多個鐘~~哈哈~~天氣凍，還是訓多d好。

在六日的survey camp...學識點用個hand free...仲有練過下跑....至於得著﹐看來要再遲些才會發現到…雖然自己都唔係太喜歡個camp...但也沒其他人咁討厭他…可能我真的得到些甚麼吧…最緊要的是，甚麼工作都好，只要幹下去，總可以順利完成的。

在那個五小時的空檔，我看了西遊記的月光寶盒同仙履奇緣…這次看的感覺跟從前的很不同，可能係之前根本無睇晒成套，又或者自己大過了…記得最後的結局，以前係覺得好可惜，會問解解唔係佢…但今次覺得…還算是一件好事…同埋盧冠庭把聲真係好好聽…
而且，我有幾個位都覺得好感動…
這次又試證明了我是一個感覺遲鈍的人，要比較長的時間同比較強的感覺才會有反應…

現在我還在疑惑眼淚代表甚麼呢？是感動、是羞恥還是發洩…只是覺得我的理性跟感性分得比較遠…

啊~成績出了，不好，但又唔敢話好差…但我真心想過會過三的，但，不行，也沒辦法，下個sem努力啦…

哈哈~~在那廿多小時中，造了不少夢，不知有多想那是真實的…雖然還沒有結局，但也想有著這般的經歷，或許也要看看是跟誰有這樣的經驗…要是像夢中的…也不錯吧…有好一段時間，真的以為那是真的耶。

問心，其實我在等…spur在哪裡呢？

回來了…

survey camp終於都完了，六日五夜都在烏溪沙過，又成日要跑來跑去，仲做report。因為趕幅圖，昨夜沒睡的麼…其實，六日都不是太難挨，在我來說，都過得算幾快，可能是因為覺得成日都唔夠時間用啦…但現在真係好累的呢~~camp的事…就待續啦~

回來了，但sem. break又要完了，那麼，又回去了…

等著下一次的期待…

無他

其實都覺得有d奇怪，點解自己要分兩個bloger寫野呢？自己都覺得有d煩，但是，到了現在，兩個的方向都開始都分不清楚(或者從來都有給他們定清方向)，只是"karland"會比較白同詳細，而"路菲"是用兩個字的title同比多idea…

不到三小時就要出發入camp，其實睡不著都唔係好關個camp事…但camp只係迫我早起，沒兩樣了…

響昨日(7號)從家跑回hall，再跟安仔去code價，到自己一個行信和，接著買了許多零食…原來購物真係令人好開心…沒甚麼了…

無他還是無他，是沒有一個他還是沒有其他…
還是喜歡故弄玄虛，因為我都唔知自己想點…
是那樣都好，都不是重點…
因為最愛的還是自己…

夜遊城門

下午返poly傾下survey camp的事…之後去火炭練艇，跑左二千，拉左15mins機…好辛苦，身體還未準備好呢…但夜晚落艇，感覺真係幾正…仲睇到星星~~呵~~

之前等左好耐(<>期待)的survey camp就黎啦，唔知過後會否有點失落呢…
唉…要要等那天，現在已經有點失落了…

起伏

原來除了可以突然唔開心，都可以突然好開心…
今日離開poly的時候忽然覺得好開心，是因為整日都見到好多人，是吧…
以別人的注意維生。

之後返左上水，難得一次跟fanny一齊放學撘火車返屋企，返左陳融，見葉sir…
點解都是談拍拖的老話兒，唔似，但…真是的。
不過，感覺已經沒有從前般糜爛，
因為在可見的將來，會擁有充實的生活，
希望啦…

真實的人生，慶幸自己現在得到的，是因為這是真實的，慶幸是基於真實，不可比較的，亦不能比較的。其他的假設，都不比真實可貴，請看出真實的可貴吧。

信心

十分精彩的經歷，四十五小時，真係頂唔住了…

原來自己還是這麼多心的，但兩者都是我想擁有的…
雖然，還是說不清喜歡的原因，不過，我知現在還是不錯的呢…

04回歸

記得03年尾，有多麼期望04年的來臨，不論因為社會上的不快，自己的不快，04的來臨，曾是希望的大部分，因為04年有高考，有機會入大學等…不過我還記得那一刻在紅場開始的2004年，感覺是異常平淡的…

回望一年過去，高考考了，成績出了，大學也跑進來了。事情很多很多，要記的都會給記下，只是欠一個感覺，對04年，我真的看到許多…學的都不少，但改變的都有許多…也許，這是成長的一部分…04年，其實係期望過高。

現在已經是2005年了，應該有一個新開始，但曾經有一個感覺「這是被遺棄的一年」，其實不大清楚為何有這個想法，但，對05年…的希望只是做好自己本份…